Մարտի 8-ի առթիվ Կարեն Դեմիրճյանի անվան Երևանի մետրոպոլիտենի «Հանրապետության հրապարակ» կայարանի սպասասրահում Երեւանի քաղաքապետարանի նախաձեռնությամբ այսօր բացվեց «Կինը՝ քաղաքային տնտեսությունում» խորագրով լուսանկարների ցուցահանդեսը:
Երևան քաղաքի պատմության թանգարանի տնօրեն Արմինե Սարգսյանն Aravot.am-ի հետ զրույցում ասաց, որ ցուցահանդեսում կարելի է տեսնել թանգարանի լուսանկարների հավաքածուից վերատպություններ, որոնք ներկայացնում են 1930 եւ 1980-ականներին քաղաքային տնտեսությունում կնոջ դերն ու գործունեությունը:
«Լուսանկարների մի շարք էլ ցույց է տալիս կնոջ ներկայիս զբաղվածությունը քաղաքային տնտեսությունում: Նախկինում կանանց զբաղվածությունը տնտեսության տեքստիլ ճյուղերում էր, իսկ այսօր կանայք զբաղված են մասնավոր հատվածում` կաթի արտադրություն, կոնյակագործություն, բիզնես»,-նշեց Արմինե Սարգսյանը` հավելելով, որ ցուցահանդեսը կգործի մեկ ամիս:
Տնօրենը նաեւ տեղեկացվեց, որ Կանանց միջազգային օրվա առթիվ մարտի 10-ին Երեւան քաղաքի պատմության թանգարանում կբացվի դիզայներ Նուռի աշխատանքների ցուցահանդեսը:
Կարդացեք նաև
Լուիզա ՍՈՒՔԻԱՍՅԱՆ
