Ամերիկայի արևմտյան ափի Հայ դատի հանձնախումբը (ANCA-ER) հայտարարություն է տարածել, որտեղ նշվում է, որ ԱՄՆ Քենթուքի նահանգի սենատը չեղյալ է հայտարարել իր իսկ ընդունած «համար 168» հակահայկական բանաձևը։ Այս մասին տեղեկացնում է Asbarez.com կայքը։
Տեղեկացնենք, որ բանաձևը խիստ խեղաթյուրված էր ներկայացնում Լեռնային Ղարաբաղի հակամարտությանը վերաբերող մի շարք փաստեր։ Քենթուքիի սենատի բանաձևը չեղյալ հայտարարվելուց հետո՝ նմանօրինակ զարգացումներ են հետևել Իդահոյում և Նյու Համփշիրում, որտեղ չեղյալ են հայտարարվել ադրբեջանանպաստ մի շարք բանաձևեր, որոնք օրակարգում էին անցյալում։
Տեղեկացնենք, որ Քենթուքի նահանգի սենատի մերժած «համար 168» նախագիծը նահանգային օրենսդիր մարմին էր ներկայացվել սենատոր Դայմոն Թայերի հովանավորությամբ՝ 2016թ. մարտի 1-ին։
