Մարտի 5-ին՝ Վազգեն Սարգսյանի ծննդյան օրը, Եռաբլուր էր այցելել նաեւ Սյունիքի մարզպետ Սուրիկ Խաչատրյանի որդին՝ Տիգրան Խաչատրյանը:
Լրագրողների հարցերին, թե ինչո՞ւ վերջինս բանակում չի ծառայել, նա կոնկրետ պատասխան չտվեց՝ «Է՜, լավ է, խնդրում եմ, էլի»: Նկատառմանը, որ նա բանակում չի ծառայել, բայց Երիտասարդ երկրապահների Գորիսի տարածքային կոմիտեի ղեկավարն է, նա պատասխանեց. «Ոչինչ, ոչինչ, կարա ըլնի, ի՞նչ ա եղել, որ: Կարեւորը, որ մարդ իր ազգի համար պատրաստ ըլնի կրիտիկական պահերին»:
Հետաքրքրվեցինք, թե նոր աշխատանք գտե՞լ է, նա պատասխանեց. «Չեմ աշխատելու էլ, որ աշխատում եմ, սաղդ իմանում եք, էլ չեմ աշխատի»: Դիտարկմանը, թե անընդհատ իր անվան հետ կապված պատմություններ են պտտվում՝ տարբեր վեճերի, կռիվների մասին, Տիգրան Խաչատրյանը պատասխանեց՝ «Դուք եք ասում»: Ճշտող հարցին, թե այսինքն նման բաներ չեն եղե՞լ, նա պատասխանեց. «Մարդու վրա, որ միշտ շատ աչքեր են լինում, էդ մարդը փորձանքների ա հանդիպում»:
Նա պնդեց, որ այդ «աչքերը» ոչ թե պաշտոնատար անձանց աչքերն են, այլ պարզապես վատ մարդկանց: Հարցին, թե ի՞նչ կապ ունեն «աչքերը», երբ նա ծեծկռտուքների է մասնակցել, Տիգրան Խաչատրյանը պատասխանեց՝ «Ես ոչ մի բանի մասնակից չեմ եղել», եւ լրագրողներին հաջողություն մաղթելով հեռացավ:
Կարդացեք նաև
Ամի ՉԻՉԱԿՅԱՆ
«Մարդու վրա, որ միշտ շատ աչքեր են լինում, էդ մարդը փորձանքների ա հանդիպում»:
դեհ լաւ, կուրծքէդ խոշոր, կապոյտ «բոնճուխ» մը կախէ տղաս,
կը պաշտպանէ քեզ չար, նախանձոտ աչքերի դէմ
https://www.greenprophet.com/wp-content/uploads/2012/08/evil-eye-middle-east-glass-tree-560×314.jpg