«Իրատես»-ը զրուցեց ՀՀԿ խմբակցության անդամ Համլետ Հարությունյանի հետ։
– Նորից պատգամավոր լինելու ցանկություն ունե՞ք։
– Ի տարբերություն շատերի, «նազ» չեմ ծախի ու կասեմ՝ այո, ես ուզում եմ շարունակել իմ քաղաքական գործունեությունը։ Դրա համար ինձ բավականացնում են և՛ փորձը, և՛ անցած ուղին, և՛ նպատակները։ Վերջին երեսուն տարիներին ես եղել եմ քաղաքականության մեջ։ Իմ ցանկությունը շիտակ ասացի, բայց որոշողը կուսակցությունն է և ժողովուրդը։ Եթե ձայն կտան, կմնամ, չէ՛, կզբաղվեմ իմ գիտամանկավարժական գործունեությամբ։
– Ի՞նչ եք կարծում, Դուք ՀՀԿ-ին «պե՞տք» եք։
Կարդացեք նաև
– Չեմ կարող ասել, կորոշի կուսակցությունը։ Եթե ես պետք լինեմ, պարտադիր չէ պատգամավոր դառնամ, կարող եմ կուսակցական այլ աշխատանքով զբաղվել։
– Լեւոն Տեր-Պետրոսյանի նման «արմունկները քշտած» ասպարեզ չեք նետվում։
– Այո՛, ես արմունկներով չեմ պայքարում քաղաքական էլիտայի մեջ մտնելու համար։ Կուսակցությունը միայն նախարարներից և պատգամավորներից չի բաղկացած։ Կուսակցական գործիչներ մենք քիչ ունենք, ովքեր զբաղվում են գաղափարախոսական, դաստիարակչական աշխատանքներով։ Կուսակցությունը որտեղ հարմար գտնի, այնտեղ էլ կաշխատեմ։ Եթե զգամ, որ էլ պիտանի չեմ, առողջությունս, գիտական ֆանտազիաս, մտածելակերպս չեն բավարարում, սկլերոտիկ բաներ ունեմ, չեմ կարող նիստերին մասնակցել, ինքս կհրաժարվեմ քաղաքական գործունեությունից։ Չեմ կարծում, որ այսօր երիտասարդ քաղաքական գործիչները կարող են անել այն, ինչը ես չեմ կարող։
Ռուզան ԽԱՉԱՏՐՅԱՆ
Հոդվածն ամբողջությամբ կարող եք կարդալ «Իրատես de facto» թերթի այսօրվա համարում
