ԱՄՆ Հանրապետական կուսակցության անդամ, երկրի նախագահի պաշտոնի համար պայքարող, միլիարդատեր Դոնալդ Թրամփը վստահ է, որ Ռուսաստանի Դաշնությունը պարտավոր է ԱՄՆ-ին հանձնել Նահանգների հատուկ ծառայության նախկին աշխատակից Էդվարդ Սնոուդենին։ Այս մասին տեղեկացնում է sputniknews լրատվական կայքը։
Դեթրոյթում կայացած նախագահական բանավեճերի շրջանակներում Թրամփն ասել է. «Սնոուդենը գործակալ է եւ եթե Ռուսաստանը հարգում է մեզ, նրանք պարտավոր են անմիջապես ԱՄՆ-ին հանձնել Սնոուդենին»։
Հիշեցնենք, որ ԱՄՆ հատուկ ծառայությունների աշխատակից Սնոուդենը 2013թ. ամռանը լրատվամիջոցներին գաղտնի նյութեր էր հանձնել՝ ամենատարբեր թեմաներով ։ Այդ նյութերի հրապարակումը համաշխարհային սկանդալի պատճառ դարձավ, քրեական գործ հարուցվեց Սնոուդենի նկատմամբ։
Քրեական պատասխանատվության չենթարկվելու համար Սնոուդենը դիմեց աշխարհի 20 երկրներին՝ իրեն ապաստան տրամադրելու խնդրանքով։ 2014թ. օգոստոսի 1-ին ՌԴ-ն 3 տարվա կացության իրավունք տվեց ԱՄՆ հատուկ ծառայությունների նախկին աշխատակցին։
