«Զավեշտը հասել է նրան, որ նույնիսկ, երբ կանոնակարգ օրենքում փոփոխություններ ես ներկայացնում, կառավարությունը բացասական եզրակացություն է տալիս։ Եվ մշտական գործող հանձնաժողովը սազն առած պաշտպանում է այդ մոտեցումը։ Սա անընդունելի է։ Ի՞նչ գործ ունի կառավարությունն Ազգային ժողովի կանոնակարգի հետ»,- այս մասին «Մեդիա կենտրոնում» «ԱԺ մոնիտորինգ» ծրագրի արդյունքները թեմայով քննարկման ընթացքում հայտարարեց ՕԵԿ խմբակցության պատգամավոր Հովհաննես Մարգարյանը։
Նա նշեց, թե պետք է ուշադրություն դարձնել, որ ինչքան էլ կառավարությունն ի վերջո ձեւավորվի, նա ծնվում է Ազգային ժողովից. «Այսինքն` Ազգային ժողովն է ծնում կառավարություն։ Եվ ի՞նչ է ստացվում։ Մի քանի ամիս հետո, ծրագրերը ներկայացնելուց հետո, օրենսդրական նախաձեռնության ամբողջ իրավունքները վերցնում է իր ձեռքը։ Իր որեւէ նախագիծ չես կարող քննարկել կամ մերժել»։
Հովհաննես Մարգարյանն այս հանգամանքը նմանեցրեց ամուսնությանը. «Այսինքն` այն, որ գնում ես եկեղեցի, պսակադրության ընթացքում հարցնում է՝ տեր ես, ասում է՝ տեր եմ։ Նա էլ ասում է հնազանդ եմ։ Երեք անգամ երդվում է։ Մեկ-երկու տարի անց դերերը փոխվում են։ Նա դառնում է հնազանդ, մյուսը՝ տեր»։
ՕԵԿ խմբակցության պատգամավորն ասաց, որ ԱԺ-ն այժմ հնազանդ է դարձել, որովհետեւ իր օրենսդրական նախաձեռնությունների ընդամենը 7%-ն է կարողանում ընդունել։
Կարդացեք նաև
Աշոտ ԻՍՐԱԵԼՅԱՆ
