Հայաստանի ամենամեծ խնդիրը Վերակազմյալ սոցիալ դեմոկրատ հնչակյան կուսակցության (ՎՍԴՀԿ) ատենապետ, ԱԺ պատգամավոր Լյուդմիլա Սարգսյանը համարում է առկա բարոյահոգեբանական անկումային վիճակը, վստահության կորուստը: «Ժողովուրդը զուրկ է իր սահմանադրական իրավունքը իրացնելուց, քանի որ իր ձայնը վերջնարդյունքի վրա չի ազդում»,- այսօր «Փաստարկ» մամուլի ակումբում հայտարարեց տիկին Սարգսյանը:
Նա գտնում է, որ չէր կարելի Վենետիկի հանձնաժողով ուղարկել մի նախագիծ, որին Հայաստանում ոչ ոք ծանոթ չէր: Այստեղ, իր կարծիքով, ոտնահարվել է քաղաքական ուժերի շահերը, հասարակության իրավունքը: Նա մտավախություններ ունի, որ նախագիծը խորհրդարան ներկայացնելուց հետո, շատ արագ ընթացակարգով կընդունվի ԸՕ-ն, քանի որ ժամանակային սահմանափակումներ կան: Մինչդեռ, նոր Ընտրական օրենսգիրքը լուրջ աշխատանք է պահանջում:
Արդեն հայտնի է, որ նախագծում էլեկտրոնային քվեարկության տարբերակ է նախատեսվում: Բայց էլեկտրոնային քվեարկությունից հետո էլեկտրոնային հաշվարկի բացառումը, կարծում է՝ սողանցքներ է ստեղծում: Ընդդիմադիր պատգամավորի համար տարակուսելի է վարկանիշային քվեարկության դրույթը:
Այլ մանրամասները` տեսանյութում
Կարդացեք նաև
Տիկին Սարգսյանը բացառում է ընդդիմության նախընտրական, առավելեւս հետընտրական միավորումները`ամբիցիաների պատճառով, մանավանդ, եթե չի լինում ընդգծված լիդեր:
Նելլի ԳՐԻԳՈՐՅԱՆ
