Մոսկվայի Տրոիցկի դատարանի կողմից մեղավոր ճանաչված եւ 6 տարի 9 ամիս ազատազրկման դատապարտված հայ վարորդ Հրաչյա Հարությունյանը արդեն 3 օր է, գտնվում է պատժախցում։
Այս մասին, երեկ ասաց Հարությունյանի կնոջ հայրը՝ Վիկտոր Մարտիրոսյանը։
– Պարոն Մարտիրոսյան, այս պահին ի՞նչ նորություն ունեք Հրաչյա Հարությունյանից։
– Նա այս պահին փակված վիճակի մեջ է։ Այդ մարդիկ (նկատի ունի ՔԿ հիմնարկի աշխատակիցները.–Տ.Խ.) Հրաչյա Հարությունյանին տարել են մենախուց՝ մի խոնավ ու մութ սենյակ, որտեղ պահելու են 15 օր։ Նախատեսված չէր իրեն մենախուց տեղափոխելը, էսօր 3-րդ օրն է լրանում։
– Իսկ տեղյա՞կ եք, թե ինչ պատճառով են պատժախուց տեղափոխել։
– Տեղափոխել են նրա համար, որ Հրաչյա Հարությունյանը առողջական լուրջ խնդիրներ ունի՝ ողնաշարի գրիժա ունի, չի կարողանում աշխատել, իրեն ասում են, որ դու սիմուլյանտ ես։ Չեն էլ տանում ստուգեն, հետազոտեն, որ համոզվեն, որ Հրաչյան ճիշտ է ասում՝ ցավեր ունի, չի կարողանում աշխատել։ Հիմա դրա համար էլ տարել են պատժախուց։
Իր նկատմամբ սա ես որպես ճնշում եմ որակում, եւ դա այնքան կշարունակվի, մինչեւ որ, չգիտեմ…
Մեր հանրապետության ղեկավարները չեն ուզում, որ Հրաչյա Հարությունյանին բերեն Հայաստան, որովհետեւ նա ադրբեջանցի չի, նա հայ է, նա իրավունք ունի էնտեղ մահանա։
Տաթեւ ՀԱՐՈՒԹՅՈՒՆՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
