ԱԺ ՀՀԿ խմբակցության պատգամավոր Խոսրով Հարությունյանը պնդում է՝ հայ-թուրքական հարաբերությունների հարցում ՀՀԿ-ի ու ՀՅԴ-ի տարբեր մոտեցումներն առանձնահատուկ մեծ չեն:
«Պետք է հասկանալ, որ կողմերը լիարժեք ընդունում և սատարում են կառավարության գործունեության ծրագիրը, որը ձևավորված էր Սերժ Սարգսյանի և ՀՀԿ կուսակցության նախընտրական հենքի վրա: ՀՅԴ-ն մեծ իմաստով իր համաձայնությունն է տալիս այս ծրագրին, իսկ մնացած հարցերում հայ-թուրքական արձանագրությունների ապագային ՀՅԴ-ն հնարավորություն կունենա անդրադառնալ»,-այսօր «Անդրադարձ» ակումբում ասաց ԱԺ պատգամավոր Խոսրով Հարությունյանը:
Անդրադառնալով ՀՀԿ-ՀՅԴ համագործակցությանը՝ պատգամավորն ասաց, որ այդ համագործակցությունը պայմանավորված է հանրային կյանքի հին մարտահրավերների նոր մոտեցումների անհրաժեշտություններով. «Համագործակցող կողմերը հստակորեն իրենց կարծիքը հայտնել են, որը հիմնականում պայմանավորված է սահմանադրական փոփոխությունների արդյունքում իրավաքաղաքական նոր իրավիճակով:
Համաձայնագիրը, ըստ էության, ենթադրում է անհրաժեշտ քաղաքական նպատակահարմարություն՝ նաև հաշվի առնելով գլոբալ, տարածաշրջանային և այլ զարգացումները, առանձնահատուկ կարևորություններ է ստանում նոր իրավաքաղաքական պայմաններում, անվտանգության և կայուն զարգացման հնարավորությունների խնդիրը»:
Կարդացեք նաև
Արփինե ՍԻՄՈՆՅԱՆ
