Թուրքական «Միլիեթ» լրատվամիջոցի փոխանցմամբ՝ Կիպրոսի Հանրապետության նախագահ Նիկոս Անաստասիադիսը պաշտոնական նամակ է գրել Եվրամիության ղեկավարությունը ստանձնած Հոլանդիայի ԱԳ նախարար Բերթ Քյոնդերսին և Եվրոմիության գլխավոր քարտուղար Թրանհոլմ-Միքքելսենին, խնդրանքով՝ թուրքերենը ներառել կազմակերպության պաշտոնական լեզուների ցանկում։
Անաստասիադիսը մեկնաբանել է իր քայլը. «Մի իրավիճակում, երբ ավելի մեծանում են Կիպրոսի հիմնախնդիրը լուծելու հնարավորությունները, թուրքերենի՝ ԵՄ-ում պաշտոնական կարգավիճակ ստանալը կնպաստի լուծմանն ուղղված ջանքերին»։
Հիշեցնենք, որ 1974թ. Թուրքիան բռնազավթել է Կիպրոսի հյուսիսային հատվածը։ Կղզու այդ մասում թուրքերը հռչակել են «Հյուսիսային Կիպրոսի Թուրքական Հանրապետություն», որը պաշտոնապես ճանաչել է միայն պաշտոնական Անկարան։
Տեղեկացնենք նաև, որ Եվրամիությունում այժմ պաշտոնականի կարգավիճակ ունի 24 լեզու։
