Իջեւան քաղաքի հյուսիսային մուտքին տեղադրված է բնակավայրի մուտքի նշան: Այն շատ փոքր է, վատ տեսանելի վարորդների համար: Այդտեղ, միջպետական ավտոճանապարհի մյուս կողմում տեղադրված է բնակավայրի տարածքի ավարտի մասին նման նշան: Իջեւանի հարավային մուտքին բնակավայրի մուտքի մասին ազդարարող նման նշան չկա: Ուշագրավ է, որ քաղաքի հյուսիսային եզրին, հիշյալ նշանից բավական հեռու, տեղադրված են «Իջեւան» գրառումով բնակավայրի մուտքի եւ ավարտի մասին նշաններ: Շատերը կարծելով, որ Տավուշի մարզկենտրոնը հենց այդտեղից է սկսվում, դրանից դեպի հյուսիս երթեւեկելիս 60 կմ ժամը գերազանցում են եւ տուգանվում պետավտոտեսուչների կողմից:
Հետաքրքիր է՝ ո՞ր բնակավայրի մուտքն ու ավարտն են ազդարարում նշված նշանները, եթե ճանապարհի կողքին, բացի Իջեւան քաղաքից, այլ բնակավայր չկա: Տավուշի մարզի վարորդները այդ կապակցությամբ մեզ դժգոհել են:
Ոսկան ՍԱՐԳՍՅԱՆ
