Պահեստազորի փոխգնդապետ, քաղբանտարկյալ Վոլոդյա Ավետիսյանը, որը 2013-ի սեպտեմբերից անազատության մեջ է եւ շինծու մեղադրանքով դատապարտվել է 6 տարվա ազատազրկման, Եվրոպական դատարան դիմելու հնարավորությունից զրկվել է: Բանն այն է, որ Ավետիսյանի ընկերների՝ «Հիմնադիր խորհրդարանի» անդամներ Ժիրայր Սէֆիլյանի եւ Վարուժան Ավետիսյանի առաջարկությամբ ԵԴ դիմումի կազմումն ու առաքումը վստահվել է փաստաբան Արա Զաքարյանին:
Սակայն փաստաբանը ԵԴ դիմումն այդպես էլ չի ուղարկել եւ ժամկետները բաց է թողել: Վոլոդյա Ավետիսյանի մյուս փաստաբանը՝ Գագիկ Սարուխանյանը, «Ժողովուրդ»-ի հետ զրույցում ասաց, որ Արա Զաքարյանը դիմումը չուղարկելու վերաբերյալ իրեն ասել է.«Ուղղակի վրիպել եմ, ժամանակն անցել է, չեմ արել»:
Այնուամենայնիվ, քաղբանտարկյալի հարազատները հույս ունեն, որ Ավետիսյանը, հնարավոր է նաեւ, վաղաժամկետ ազատվի, քանի որ «Վարդաշեն» ՔԿՀ-ի վարչակազմը միջգերատեսչական հանձնաժողովին դիմում է ներկայացրել, որը կքննարկվի առաջիկա օրերին:
Կարդացեք նաև
Ավելի մանրամասն՝ «Ժողովուրդ» թերթի այսօրվա համարում:
