Այսօր ԱԺ ճեպազրույցների ժամանակ ՀՅԴ խմբակցության ղեկավար Արմեն Ռուստամյանը հպարտացավ, որ ՀՀԿ-ի հետ հուշագրում 7 կետ էին ասում, ավելի շատ կետ է ընդունվել. «Եթե մեր սկզբունքներն ուզում ենք առաջ գնալ, դա ինչ-որ երրորդի դե՞մ է»,- ասաց նա՝ հերքելով, որ ՀՀԿ-ի հետ համագործակցությամբ Ռոբերտ Քոչարյանին օտարում է քաղաքական դաշտից:
Մենք ճշտեցինք՝ ոչ թե երրորդի դեմ է, այլ ՀՀԿ-ն ձեզ որպես գործիք է օգտագործում իրենց այդ հեռահար նպատակի համար՝ Ռուստամյանը պատասխանեց. «Ոչինչ, թող մեր ծրագրերը իրականացնելու համար մեզ որպես գործիք օգտագործեն, ո՞վ ա դրան դեմ, որ: Բա մենք ինքնանպատակ չենք, մենք ինքներս ենք միջոց, մեր կուսակցությունը միջոց է՝ այդ նպատակներին հասնելու համար: Հո Դաշնակցությունն ինքնանպատակ չի՞ ստեղծվել: Ստեղծվել է հայ ժողովրդին եւ հայությանը ծառայելու համար»:
Հարցին՝ ձեզ տված պորտֆելները բավարա՞ր են երկրում իրավիճակ փոխելու համար՝ նա պատասխանեց, որ . «Պորտֆելների միջոցով չի բավարար կամ ոչ բավարարը որոշվելու»:
Նա ասաց, որ ՀՀԿ-ի հետ համագործակցությունը դասական իմաստով կոալիցիա չի: Դրա առանցքի շուրջ չի ձեւավորվել իշխանությունը: Ձեւավորող առանցքը նախագահական համակարգն է, որովհետեւ դու ունես կիսանախագահական համակարգ: Այդտեղ դու ունենաս 3 պորտֆել, թե 13 պորտֆել՝ մեծ իմաստով ոչ մի բան չի փոխվում: Իրական որոշումները ոնց են ընդունվում՝ սա է գլխավորը:
Կարդացեք նաև
Խորհրդարանական կառավարման համակարգում առանցքը բխում է այլ տեղից:
Հռիփսիմե ՋԵԲԵՋՅԱՆ
Հայ ժողուվուրդը և հայությունը շատ թանկ են վճարել դաշնակցության ծառայության դիմաց—