Հայաստանի բռնցքամարտի հավաքականը գլխավոր մարզիչ Կարեն Աղամալյանի ղեկավարությամբ Բուլղարիայի մայրաքաղաքում ընթացող 67-րդ Ստրանջայի միջազգային մրցաշարում, կարելի է ասել, պայքարն ավարտեց դեռ չսկսած:
Ինը բռնցքամարտիկներից ութը հենց առաջին մենամարտից հետո պարտություն կրելով՝ դադարեցրին պայքարը: Միայն 56 կգ քաշային Արամ Ավագյանին հաջողվեց մեկ հաղթանակ տանել, սակայն նա էլ երկրորդում անհաջողության մատնվեց: Հայաստանի բռնցքամարտի ֆեդերացիայի մամուլի ծառայությունը տեղեկացնում է, որ Արամի երկրորդ մենամարտը Դմիտրի Ասանաուի հետ ընթացել է հավասար պայքարում, սակայն մրցավարները հաղթանակը շնորհել են բելառուսցի մարզիկին:
Աշոտ ՀԱԿՈԲՅԱՆ
Լուսանկարը՝ ՀԲՖ-ի
