Անցած շաբաթ ՀԱԿ խորհրդարանական խմբակցության ղեկավար Լեւոն Զուրաբյանը հասարակական-քաղաքական կառույցներին առաջարկեց միավորվել եւ ստեղծել Ընտրական օրենսգրքի միասնական պահանջների պլատֆորմ: Ընդդիմադիր գործիչն ակնարկեց, որ քաղաքական եւ հասարակական հատվածների միավորման պարագայում միջազգային տարբեր կառույցներ նաեւ գործնական աջակցություն կցուցաբերեն:
Իր առաջարկները ՀԱԿ-ն այս օրերին արդեն գրավոր տեսքով ներկայացրել է խորհրդարանական խմբակցություններին: ԲՀԿ խմբակցության ղեկավար Նաիրա Զոհրաբյանն այս առիթով «Առավոտի» հետ զրույցում ասաց, որ իրենք ՀԱԿ-ի առաջարկները ստացել են, դրանք կքննարկեն: «Որտեղ ընդհանրություններ տեսնենք, պատրաստ ենք միավորել մեր ջանքերը` ավելի լավ օրենք ունենալու համար»,- ասաց Նաիրա Զոհրաբյանը:
«Առավոտ» օրաթերթ
25.02.2016
