Մաշկային գորտնուկները տհաճ եւ ոչ էսթետիկ բնույթ ունեն, որը մարդ ձեռք է բերում վարակի միջոցով: Դրանք լինում են մի քանի տեսակ, որից ազատվելու համար առաջարկվում են տարբեր բաղադրատոմսեր: Գորտնուկներից ազատվելու համար ժողովրդական բժշկությունն առաջարկում է հետեւյալ քսուքը. 2:1 հարաբերությամբ խառնել խոզի հալեցրած ճարպն ու ծեծած սխտորը, լավ տրորել, քսել գորտնուկի վրա: Այնուհետեւ վիրակապ դնել այնպես, որ չշարժվի: Գորտնուկի վրա քսուքը թարմացնել 1 օր հետո, նորից վիրակապել: Դեղը քսել օրական մեկ անգամ:
Մեկ այլ լավագույն միջոց է քացախաթթուն: Պետք է ամեն երեկո, քնելուց առաջ, քացախաթթվի մեկ կաթիլ շատ զգուշությամբ կաթեցնել յուրաքանչյուր գորտնուկի վրա: Չի թույլատրվում օգտագործել մեկ կաթիլից ավելի: Գորտնուկը մի քանի օրից կվերանա:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ» օրաթերթ
25.02.2016
