Մարզպետարանի աշխատակազմի Իջեւանի, Դիլիջանի, Բերդի եւ Նոյեմբերյանի սոցիալական ապահովության տարածքային գործակալություններից ստացված տվյալներով՝ 2016 թվականի հունվար ամսին Տավուշի մարզում ընտանեկան եւ սոցիալական նպաստներ է ստացել 5340 ընտանիք, որից 1965-ը` Իջեւանի, 1228-ը՝ Դիլիջանի, 1144-ը` Բերդի եւ 1003-ը՝ Նոյեմբերյանի տարածաշրջաններում: Նույն ամսվա ընթացքում մարզի 349 ընտանիք ստացել է նաեւ հրատապ դրամական օգնություն, որից Իջեւանում՝ 185, Դիլիջանում՝ 54, Բերդում՝ 61, Նոյեմբերյանում՝ 49 ընտանիք:
Դիլիջանի տարածաշրջանում ընտանեկան եւ սոցիալական նպաստ ստացողների թիվն ավելի մեծ է, քան՝ Ադրբեջանին սահմանակից Նոյեմբերյանի եւ Բերդի տարածաշրջաններում: Դիլիջանը ստեղծվել են տարբեր կառույցներ՝ ՀՀ կենտրոնական բանկի մասնաճյուղ, ֆինանսների նախարարության ուսումնական կենտրոն, Դիլիջանի միջազգային դպրոց «Թումո» կենտրոն ՀՀ պետական բյուջեից, այլ կազմակերպությունների կողմից Դիլիջանում կապիտալ մեծ ներդրումներ են կատարվել:
Դիլիջանում մի քանի տասնյակ հանգստյան տներ, հյուրանոցներ են աշխատում: Ամռան շոգին Դիլիջանի հանգստյան տները զբաղված են հյուրերով: 2016թ.-ի տարեմուտը Դիլիջանի հանգստյան տներում, առողջարաններում, հյուրանոցներում, մասնավոր հյուրատներում անցկացնելու համար տեղերը դեռեւս օգոստոսին են սպառվում: Մեր տեղեկություններով՝ ՀՀ նախագահի աշխատակազմի աշխատողին չի հաջողվել 2016-ի տարեմուտը Դիլիջանում դիմավորելու համար նշված օբյեկտներում տեղ գտնել:
Այս ներդրումները արդյունք չե՞ն տվել, Դիլիջանի տարածաշրջանում աշխատատեղեր չե՞ն ստեղծվել, աղքատությունը չի՞ նվազել: Բերդի եւ Նոյեմբերյանի տարածաշրջանների սահմանամերձ գյուղերի բնակիչների մի մասը հակառակորդի գնդակոծության, տարածքների ականապատ լինելու պատճառով հող չի կարողանում մշակել, զբաղվել անասնապահությամբ:
Կարդացեք նաև
Ոսկան ՍԱՐԳՍՅԱՆ
Շատ սիրուն գրում եք.
Դիլիջանում ստեղծվել են տարբեր կառույցներ՝
– ՀՀ կենտրոնական բանկի մասնաճյուղ,
– ֆինանսների նախարարության ուսումնական կենտրոն,
– Դիլիջանի միջազգային դպրոց
– «Թումո» կենտրոն
– ՀՀ պետական բյուջեից այլ կազմակերպություններ
Իսկ երբևէ փորձել եք պարզել, թե վերոհիշյալ կաույցների աշխատակազմի որ մասն է դիլիջանցի?