Այսօր ԱԺ նիստում ՕԵԿ պատգամավոր Մհեր Շահգելդյանը դիտողություն արեց, որ Հանրային ծառայությունները կարգավորող հանձնաժողովի նախագահ Ռոբերտ Նազարյանը 2016-ի գործունեության ծրագիրն է ներկայացնում ԱԺ-ում, բայց հիմա արդեն փետրվարի վերջն է. «Սա ձեզ չի ուղղված այնքան, ինչքան ԱԺ-ին, 2 ամիս անցել է 2016 թվականից»:
ԱԺ փոխխոսնակ Հերմինե Նաղդալյանը շատ կոշտ արձագանքեց Մհեր Շահգելդյանին. «Լավ է, որ նկատել եք, որ սա արդեն փետրվար ամիսն է: Գուցե նկատած լինեիք նաեւ, որ փետրվար ամսին ԱԺ-ն դեռ երկրորդ լիագումար նիստն է անում: Եվ մինչեւ մեզ կշտամբելը ասենք, որ եթե նկատած լինեիք՝ առանց կշտամբանքի ասեմ՝ 5 հոգով յուրաքանչյուրդ մեծ թե փոքր հարցի վերաբերյալ 5 հարց, որ տաք, 6 ելույթ ունենաք, էդ դեպքում մենք ծրագրերը ոչ թե փետրվարին, այլ կարող է սեպտեմբերին քննարկեինք: Այնպես որ, ձեր կշտամբանքը բոլորովին տեղին չեմ համարում»:
Մհեր Շահգելդյանը պատասխանեց. «Մենք կարող է 5 հոգով 10 հարց էլ տանք: Պառլամենտը աշխատանքի տեղ է: Մեր օրենսդրական նախաձեռնությունները տարիներով մնում են: Ես չեմ կշտամբում, այդպիսին է իրավիճակը»:
Մհեր Շահգելդյանը նեղսրտեց, որ այդ մասին շատ են խոսում, բայց իրենք իրենց ընտրողների առաջ պարտականություններ ունեն, պարտավոր են քաղաքական հարցադրումներ անել գործադիրին: Հերմինե Նաղդալյանն էլ, թե՝ լավ եք, անում, որ լավ եք աշխատում, բայց մի բողոքեք. «Շատ ենք խոսում՝ շատ է տեւում, համբերեք, տեսնենք մինչեւ երբ կտեւի»:
Կարդացեք նաև
Հռիփսիմե ՋԵԲԵՋՅԱՆ
