Էներգետիկայի եւ բնական պաշարների նախարար Երվանդ Զախարյանից այսօր կառավարությունում լրագրողները հետաքրքրվեցին, թե ՀԷՑ-ի պարտքերը մարելու համար վերցրած 30 միլիոն դոլար վարկը ինչ ազդեցություն կունենա էլեկտրաէներգիայի սակագնի վրա եւ հնարավո՞ր է այդ վարկը փակելու պատրվակով էլ կրկին հոսանքի վարձը բարձրանա:
Երվանդ Զախարյանը վստահեցրեց, որ սակագնի վրա այդ վարկը որեւէ ազդեցություն չի ունենա եւ որ այն փակելու են ՀԷՑ-ին պարտք մնացած ընկերությունները եւ պետությունը դրա վերաբերյալ որեւէ պարտավորություն չի ունենալու:
Նախարարը նաեւ հայտնեց, որ վարկը տրվել է ցածր տոկոսներով: Պարոն Զախարյանը ընկերության անուններ չհրապարակեց, պատճառաբանելով, որ դրանք շատ են, 1-2-ը չեն:
Հարցին, թե «Ինտեռ ՌԱՕ ԵԷՍ» ընկերությունների պարտքերի համա՞ր ենք վարկը վերցրել, պարոն Զախարյանն ասաց` ոչ:
Կարդացեք նաև
Մանրամասները` տեսանյութում
Լուսինե ԲՈՒԴԱՂՅԱՆ
