«Այդ պայմանագիրը ԵՏՄ-ի այդպես էլ չստացանք: Ես, որպես պատգամավոր, չկարողացա տեսնել՝ այդպիսի կետ կա՞, թե՞ չէ: Երեկ ընթերցվել է այստեղ մի բան, որը բացարձակ լիցենզիաներին չէր վերաբերում: Սովորական բլեֆի կարգի աշխատանք է, որն ամեն օր տեսնում ենք, արդեն հոգնել ենք»,- այսօր ԱԺ նիստում ՀԱԿ խմբակցության պատգամավոր Հրանտ Բագրատյանն այսպիսի հայտարարություն արեց «Պետտուրքի մասին» նախագծի հետ կապված՝ նկատի ունենալով ՀՀԿ պատգամավոր Վարդան Այվազյանին:
Հիշեցնենք, երեկ Այվազյանն ու Բագրատյանը վիճեցին: Կառավարությունը «Պետտուրքի մասին» օրենքում նոր լրացում է ուզում անել՝ ԵՏՄ շրջանակներում արտաքին առեւտրի ոլորտում սահմանափակումների ենթակա ապրանքներ երրորդ երկրներից ներմուծման եւ երրորդ երկրներ արտահանման համար՝ սահմանելով բազային տուրքի չափով պետտուրք, որը համարժեք է 1000 դրամին: Այվազյանը վստահեցնում էր, որ ԵՏՄ պայմանագրով դա պարտավոր են անել, այդպիսի կետ կա, Բագրատյանն էլ պահանջում էր՝ բերեք, ցույց տվեք:
ԱԺ փոխխոսնակ Հերմինե Նաղդալյանը Բագրատյանին կոչ արեց չպիտակավորել ու չընդհանրացնել, թե ամեն օր ԱԺ-ում բլեֆ է տեսնում:
Խաչատուր Քոքոբելյանն էլ զգուշացրեց, որ ԵՏՄ պայմանագրի շրջանակներում դեռ շատ օրենքներ ենք ստիպված լինելու փոխել, որոնք մեր շահերին դեմ են: Նա կոչ արեց մերժել նախագիծը եւ դեմ քվեարկել:
Կարդացեք նաև
Հռիփսիմե ՋԵԲԵՋՅԱՆ
