Վաղը կառավարությունը կնվազեցնի Հայկական ատոմային էլեկտրակայանի կանոնադրական կապիտալը` ատոմակայանի գույքն օտարելու միջոցով:
Կառավարության նիստում ՀՀ էներգետիկայի եւ բնական պաշարների նախարար Երվանդ Զախարյանը վարչապետ Հովիկ Աբրահամյանին կհայտնի, որ ատոմակայանի սեփականությունը հանդիսացող 6 միլիոն 749,9 հազար դրամ արժողությամբ «ԶԻԼ», «ԿԱՄԱԶ» ու «Գազ» տրանսպորտային միջոցները կտրամադրվի ՀՀ տարածքային կառավարման եւ արտակարգ իրավիճակների նախարարությանը (ՏԿԱԻՆ):
Երեք ավտոմեքենաներն իրեն տրամադրելու խնդրանքով Երվանդ Զախարյանին է դիմել ՏԿԱԻՆ-ը` պատճառաբանելով, որ դրանք վերանորոգվելուց եւ կահավորվելուց
հետո կարող են օգտագործվել մարզերում ստեղծվող հրշեջ հենակետերում՝ հրդեհաշիջման եւ փրկարարական աշխատանքներ իրականացնելու նպատակով:
Կարդացեք նաև
Գույքի դիմաց կվճարի ՀՀ կառավարությունը եւ այդ չափով կնվազեցվի ատոմակայանի կանոնադրական կապիտալում պետական բաժնեմասը:
Այս մասին տեղեկանում ենք կառավարության փետրվարի 25-ի նիստի օրակարգից:
Լուսինե ԲՈՒԴԱՂՅԱՆ
