Տարածաշրջանում խնդիրները լուծելու միակ ճանապարհը քաղաքական ուղին է, և այդ հարցերի լուծումը ռազմական ճանապարհով հեռանկար չունի: Այս մասին, ինչպես հաղորդում է Trend-ը, հայտարարել է Իրանի նախագահ Հասան Ռուհանին Թեհրանում Ադրբեջանի իր գործընկեր Իլհամ Ալիևի հետ հանդիպումից հետո:
«Մենք պայմանավորվել ենք համագործակցել երկու անվտանգության և տարածաշրջանում հայտնի իրադարձությունների վերաբերյալ հետախուզական տեղեկատվության փոխանակման, ահաբեկչության դեմ պայքարի ոլորտներում: Մենք կարծիքներ ենք փոխանակել տարածաշրջանում կատարվող հայտնի իրադարձությունների, ինչպես նաև սիրիական հարցի վերաբերյալ, ինչպես նաև պայմանավորվել ենք պարբերաբար համապատասխան կառուցողական խորհրդակցություններ անցկացնել այդ հարցերի շուրջ»,- ասել է Ռուհանին:
Նրա խոսքով՝ բացի երկկողմ հարաբերություններից՝ քննարկվել են նաև եռակողմ ձևաչափով համագործակցության հարցեր՝ Իրան-Թուրքմենստան-Ադրբեջան, Իրան-Ադրբեջան-Ռուսաստան, Իրան-Ադրբեջան-Վրաստան և Իրան-Ադրբեջան-Թուրքիա:
«Սա մեր 5-րդ հանդիպումն է վերջին 2,5 տարում: Շատ գոհացուցիչ է, որ մեր յուրաքանչյուր հանդիպում ծառայում է երկու երկրների միջև հարաբերությունների հետագա զարգացմանը: Ուրախալի է նաև այն հանգամանքը, որ մեր հանդիպումները ծառայում են երկու բարեկամական և եղբայրական երկրների՝ Իրանի և Ադրբեջանի և նրանց ժողովուրդներին շահերին»,- ասել է Ռուհանին:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
