Արդեն տեղեկացրել ենք, որ նախագահական նստավայրի դիմաց մի խումբ քաղաքացիներ են հավաքվել, որոնք պահանջում են ազատ արձակել ակտիվիստներ Գեւորգ Սաֆարյանին ու Վարդգես Գասպարյանին: Նրանք ցանկանում էին մոտենալ նախագահականին, սակայն ոստիկանությունը թույլ չտվեց:
Մոտ 30 րոպե Մեծ Բրիտանիայի դեսպանատան դիմաց կանգնելուց հետո ակցիայի մասնակիցները ցրվեցին: Լրագրողների հետ զրույցում ակցիայի մասնակից Միքայել Նազարյանը նշեց, որ իրենց ձերբակալված ընկերների հետ նույն հայացքներն ունեն: «Ու եթե իրենց ձերբակալել են, մեզ էլ են պարտավոր ձերբակալել, այլապես անաչառ մոտեցում չի իրականացվի ոստիկանության կողմից: Մենք եկանք, հորդորեցինք, որ նույն խափանման միջոցը կիրառեն մեր հանդեպ»:
Ըստ նրա՝ այսօրվա ակցիան իրենց լիազորեց կիրառել օրենքով թույլատրված խաղաղ անհնազանդության ավելի սուր միջոցներ, «որոնք մենք հետագայում, մոտ օրերս, կիրականացնենք, ավելի մեծ բազմությամբ կգանք եւ ոչ թե կասենք, որ մեզ լսեն, այլ՝ մեր խոսքը լսելի կդարձնենք»:
Միքայել Նազարյանն ասաց, որ ցանկանում էին մոտենալ նախագահականի դարպասներին եւ իրենց խոսքը փոխանցել Սերժ Սարգսյանին, սակայն իրենց թույլ չտվեցին. «Օրենքի խախտում է դա բնականաբար, քանի որ ոստիկանությունն իրավունք չունի խաղաղ հավաքի երթուղին փոխելու առաջարկություն անել: Նրանց միակ պարտականությունը երթուղու անվտանգությունն ապահովելն է: Գնում ենք վերադառնալու նպատակով»:
Կարդացեք նաև
Աշոտ ԻՍՐԱԵԼՅԱՆ
