«Եթե կայացնեք այս ինստիտուտը՝ ես կլինեմ առաջին մարդը, որ կկանգնի ձեր կողքին՝ ասելով, որ կոտրեցիք այդ ստերեոտիպը տուրք չտալով ընդդիմության կամ իշխանության պահանջներին, չդառնալով նրանց պատանդը կամ գերին»- ԱԺ նիստում հայտարարեց ԲՀԿ խմբակցության ղեկավար Նաիրա Զոհրաբյանը՝ Մարդու իրավունքների պաշտպանի ընտրության ժամանակ դիմելով թեկնածու Արման Թաթոյանին:
Տիկին Զոհրաբյանը նշեց, որ ԲՀԿ խմբակցության պատգամավորներն ազատ են իրենց քվեարկության հարցում, իսկ ինքը չի մասնակցի քվեարկությանը:
ՀԱԿ խմբակցության պատգամավոր Նիկոլ Փաշինյանն էլ ասաց, որ իր համար օմբուդսմենի նախընտրելի թեկնածուն Զարուհի Փոստանջյանն էր, բայց վերջնական որոշել է, որ կողմ է քվեարկելու Թաթոյանի թեկնածությանը. «Սա ավելի շատ պոստ ֆակտում վստահության քվե է ՀՀ-ում Մարդու իրավունքների պաշտպանության ինստիտուտին»:
Նա հիշեցրեց, որ Կարեն Անդրեասյանն ԱԺ-ում խնդրում, աղաչում էր, պատգամավորներին, ասում էր՝ ձեր աջակցության կարիքը կա, բայց պատգամավորները քմծիծաղով էին դրան վերաբերում, մինչեւ պարզվեց, որ իրոք, պաշտպանը ԱԺ-ի պաշտպանության կարիքն ունի. «Ես Արման Թաթոյանին չեմ ճանաչում, սա ոչ թե Թաթոյանին վստահության քվե է, այլ ես ուզում եմ իմ ներդրումն ունենալ ՄԻՊ-ի կայացման գործում»:
Կարդացեք նաև
Հռիփսիմե ՋԵԲԵՋՅԱՆ
