Մազերն ամրացնող ժողովրդական միջոցներից կարող եք օգտագործել հետեւյալ պատրաստուկը. 1 բաժակ կոնյակը խառնել 4 բաժին սոխի քամած հյութին, ավելացնել 6 բաժին երիժնակի՝ կռոթուկի արմատի եփուկ: Դանդաղ շփելով՝ այն ներմերսել գլխամաշկին, ապա գլուխը փաթաթել սրբիչով եւ 2 ժամ հետո լվանալ: Կրկնել շաբաթը 2-3 անգամ:
Մազաթափության դեմ կարող եք պատրաստել բուժիչ հեղուկ, որը նաեւ բաց երանգ է տալիս մազերին: Կաղնու կեղեւը, գլուխ սոխի կճեպը հավասար չափով մանրացնել, խառնել: 1 բաժակ խառնուրդի վրա լցնել 1 լիտր եռման ջուր եւ 1 ժամ պահել մարմանդ կրակի վրա: Ապա վերցնել կրակից, սառեցնել եւ այդ հեղուկով թրջել մազերը, կապել տաք գլխաշոր եւ մեկ ժամ հետո չորացնել առանց սրբիչի:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ» օրաթերթ
19.02.2016
