Արդեն տեղեկացրել ենք, որ Երեւանի Կենտրոն եւ Նորք Մարաշ վարչական շրջանների ընդհանուր իրավասության դատարանում, դատավոր Մնացական Մարտիրոսյանի նախագահությամբ այսօր տեղի է ունեցել դեկտեմբերի 6-ին, Սահմանադրական փոփոխությունների հանրաքվեի օրը, Երեւանի 114 դպրոցում տեղակայված 10/20 ընտրատեղամասում այլ անձի փոխարեն քվեարկելու գործով դատական նիստ:
Արմեն Մեհրաբյանին, Արամայիս Նադարյանին եւ Դավիթ Նադարյանին մեղադրանք է ներկայացվել այն բանի համար, որ հանրաքվեի օրը նրանք գրանցված լինելով տարբեր տեղամասերում, գնացել եւ քվեարկել են Երեւանի 114 դպրոցում տեղակայված 10/20 ընտրատեղամասում: Իսկ Լուսինե Մնացականյանին մեղադրանք է առաջադրվել այն բանի համար, որ թույլատրել է վերոնշյալ քաղաքացիների իրենց անձնագրերով քվեարկել Լուսինե Ասլանյանի, Մարիամ Դեմիրճյանի եւ Անահիտ Հարությունյանի փոխարեն, ընտրացուցակի 1-ին, 2-րդ, 3-րդ համարի ներքո գտնվող սյունակներում:
Ամբաստանյալները միջնորդել էին արագացված կարգով դատաքննություն իրականացնել։ Մեղադրող դատախազ Տիգրան Ենոքյանը խնդրեց Արմեն Մեհրաբյանի, Արամայիս Նադարյանի եւ Դավիթ Նադարյանի նկատմամբ որպես պատիժ նշանակել տուգանք՝ 500.000 դրամի, իսկ Լուսինե Մնացականյանի նկատմամբ՝ 600.000 դրամի չափով։
Դատարանը հեռացել էր խորհրդակցական սենյակ վճիռ կայացնելու։ Քիչ առաջ հրապարակված վճռով բոլոր 4 անձանց նկատմամբ որպես պատիժ նշանակվեց տուգանք 500.000 դրամի չափով։
Կարդացեք նաև
Աշոտ ԻՍՐԱԵԼՅԱՆ
