«ՄԿՌ Մեդիա» ընկերությունը ներկայացրել է եվրասիական ինտեգրման 4-րդ վարկանիշային աղյուսակը, որում տեղ են գտել ինտեգրման վրա դրական և բացասաբար անդրադարձած իրադարձությունները, ինչպես նաև փորձագետների կարծիքներ այն իրադարձությունների շուրջ, որոնք չեն հայտնվել վարկանիշում: Ամբողջական վարկանիշը ներկայացված է «ՄԿՌ Մեդիա»-ի կայքում:
ԵԱՏՄ ինտեգրման վրա բացասաբար անդրադարձած իրադարձությունների ցուցակի 8-րդ հորիզոնականում առանձնացվում է ԵՄ-ի ակտիվությունը ԵԱՏՄ երկրներում: Մասնավորապես նշվում է, որ ԵՄ-ը և Հայաստանը բանակցություններ են սկսել նոր երկկողմ համաձայնագրի շուրջ:
Մեկնաբանությունների բաժնում ռուս քաղաքագետ Իվան Ժուկովը որպես ԵԱՏՄ կարևորագույն իրադարձություն առանձնացնում է Ռուսաստանի և Հայաստանի միջև ՀՕՊ միասնական համակարգի ստեղծման մասին պայմանագիրը: «Հակաօդային պաշտպանության միասնական ուժերի ստեղծումը կնպաստի եվրասիական տարածությունում անվտանգության աճին, հատկապես հաշվի առնելով Թուրքիայի հետ հարաբերություններում լարվածությունը: Որոշ առումով դա կարող է լինել որպես պատասխան Եվրոպայում ամերիկյան ՀՀՊ-ի տեղակայմանը»,- ասել է Ժուկովը:
Պատրաստեց Վիկտորյա ԱՆԴՐԵԱՍՅԱՆԸ
