Ուշագրավ են «Կառավարության կառուցվածքի մասին» ՀՀ օրենքում փոփոխությունների նախագծի հիմնավորումները։ Բանն այն է, որ ՀՀ տարածքային կառավարման եւ Արտակարգ իրավիճակների նախարարությունները միացվեցին 2014թ. նոյեմբերին։ Այն ժամանակ օրինագծի հիմնավորման մեջ նշված էր. «ՀՀ օրենքի նախագծի նպատակն է ապահովել էլ ավելի արդյունավետ կառավարման համակարգ։ Մասնավորապես, առաջարկվում է Հայաստանի Հանրապետության կառավարության կառուցվածքից հանել Հայաստանի Հանրապետության արտակարգ իրավիճակների նախարարությունը եւ միացնել Հայաստանի Հանրապետության տարածքային կառավարման նախարարությանը»։
Իսկ ահա մեկուկես տարի անց այս երկու նախարարություններն իրարից առանձնացնելու համար որպես հիմնավորում նշվում է. «Քաղաքական համագործակցության անհրաժեշտությամբ պայմանավորված հարկ է ստեղծել Տարածքային կառավարման եւ զարգացման նախարարություն եւ Արտակարգ իրավիճակների նախարարություն»։ Եվ նախագծի հիմնավորումների մեջ՝ ոչ մի խոսք արդյունավետ կառավարման մասին։
Ու այստեղ հարց է առաջանում՝ եթե երկու նախարարությունների միացումը ժամանակին արվել է «կառավարման էլ ավելի արդյունավետ համակարգ» ապահովելու նպատակով, արդյոք հիմա նրանց առանձնացնելով կառավարման համակարգի արդյունավետությունը կնվազի։ Առավել եւս, որ հիմնավորումների մեջ նշված է, թե այդ քայլն արվում է միմիայն քաղաքական համագործակցության անհրաժեշտությամբ պայմանավորված (այլ ոչ թե արդյունավետ կառավարում ապահովելու համար)։
Այսինքն՝ ստացվում է, որ Սերժ Սարգսյանը ՀՅԴ-ին գոհացնելու եւ իշխանական կերակրատաշտին մոտ տեղ տալու համար պատրաստ է քայլերի, որոնց արդյունքում, միգուցե եւ տուժի կառավարման համակարգի արդյունավետությունը։
Կարդացեք նաև
Արման ԳԱԼՈՅԱՆ
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
