Այսօր Էրեբունի եւ Նուբարաշեն վարչական շրջանների ընդհանուր իրավասության դատարանում «օֆշորի» գործով դատական նիստի ընդմիջմանը ամբաստանյալ Աշոտ Սուքիասյանը տուժող Փայլակ Հայրապետյանի ներկայացուցչին՝ Շալիկո Փիրուզյանին հայտարարեց. «Հայրապետյանը դավաճան ա, քցող ա, գող ա, սաղ կյանքում էլ դրանով է զբաղված եղել: Էսօր չապացուցվի՝ վաղը դա կապացուցվի: Դրսում լինեինք՝ հիմա վաղուց կապացուցեի, որ քցող ա»:
Այս հայտարարության առնչությամբ Aravot.am-ի հետ զրույցում Փայլակ Հայրապետյանը զարմացավ, թե մի բան էլ ե՞ս եմ քցող, ես որ քցող եմ, բա իրե՞նք ինչ են. «80 տարեկան եմ, 63 տարվա ստաժ ունեմ, 7-րդ դասարանից աշխատել եմ, մինչեւ հիմա: Գիշերը սովորել եմ, ցերեկն՝ աշխատել: Սուքիասյանը ստաժ էլ չունի, երբեք պետական աշխատող չի եղել: Ես հիմա թոշակ չեմ ստանում, իմ թոշակից եմ հրաժարվել, չեմ կարող էն խեղճի հետ գնամ կանգնեմ, թոշակ ստանամ, թող ուրիշները ստանան, այդպես եմ ես մտածում, ես քցո՞ղ եմ»:
Նա պատմում էր իր բարեգործությունների մասին Հայաստանում եւ Շուշիում. «Եթե ես քցողն եմ, ստորներ են իրենք այլասերված»:
Հռիփսիմե ՋԵԲԵՋՅԱՆ
սելը ճռռալու, սելվորն ա ճռռում :