Տնտեսական մրցակցության պաշտպանության պետական հանձնաժողովի նախագահ Արտակ Շաբոյանը կառավարության այսօրվա նիստի սկզբում հայտնեց, որ վարչապետի հանձնարարությամբ ուսումնասիրություններ են կատարել հաց արտադրող 10 խոշոր ընկերություններում եւ պարզել, որ Հայաստանում հացի գնի նվազում է եղել, բայց դա համարժեք չէ ալյուրի գնի նվազմանը:
«Ուսումնասիրությունների արդյունքների համաձայն՝ հացի գները 2015 թվականի ընթացքում նվազել են 9-10 տոկոսով: Գնի նվազման վրա ազդել են մի շարք գործոններ, առաջինը ալյուրն է: Բայց ալյուրի գնի նվազումը մի մասով է ազդել, քանի, որ հացի ինքնարժեքի մեջ ալյուրի տեսակարար կշիռը կազմում է 52.3 տոկոս»,- ասաց Շաբոյանը:
Նա նշեց, որ հացի գների վրա ազդել են նաև երկու այլ գործոններ, որոնք բարձրացման են բերել: Դա գազի և էլեկտրաէներգիայի գներն են: «Մասնավորապես, էլեկտրաէներգիայի գների ավելացումը մեկ կգ հացի գծով կազմել է 25.4 տոկոս, իսկ գազի գների փոփոխությունը՝ 7.9 տոկոս: Հետևաբար, այս երկու գործոնները ազդել են հացի գների բարձրացման վրա»,- պարզաբանեց Շաբոյանը:
Կարդացեք նաև
Նելլի ԲԱԲԱՅԱՆ
