Հայաստանցի գրոսմայստեր Կարեն Գրիգորյանը Իրանում այսօր ավարտվող Խազարի գավաթի խաղարկության հաղթող դառնալու շանս ունի:
Նախավերջին՝ 8-րդ, տուրից հետո հայ շախմատիստը իրանցի Մասուդ Մոսադեգպուրի եւ ռուսաստանցի Սերգեյ Վոլկովի հետ վաստակել է 6,5 միավոր եւ լրացուցիչ գործակիցներով զբաղեցնում է երկրորդ հորիզոնականը: Այսօր եզրափակիչ տուրում Հայաստանի նախկին չեմպիոնը սպիտակներով խաղում է առաջին տեղում ընթացող իրանցի միջազգային վարպետի հետ:
Մեր շախմատիստներից գրոսմայստեր Հովհաննես Գաբուզյանը առաջատարներից հետ է մնում մեկ միավորով եւ մրցաշարային աղյուսակում 5-րդն է:
Աշոտ ՀԱԿՈԲՅԱՆ
Կարդացեք նաև
Լուսանկարը՝ Կարեն Գրիգորյանի ՖԲ էջի
