Փետրվարի 17-ին Թբիլիսիում տեղի ունեցած հանդիպմանը Վրաստանի և Ղազախստանի կառավարական գերատեսչությունների ներկայացուցիչները քննարկել են տրանսկասպյան միջազգային երթուղու հարցը: Ինչպես հաղորդում է «Գրուզիա Օնլայնը», հանդիպումը տեղի է ունեցել Ղազախստանի առաջին փոխվարչապետ Բաքիջան Սագինթաևի գլխավորությամբ կատարված այցի շրջանակում:
Հանդիպումից հետո Սագինթաևը հայտարարել է, որ Վրաստանի, Ղազախստանի և Ադրբեջանի երկաթուղային գերատեսչությունները պայմանավորվել են ստեղծել երկաթուղային կոնսորցիում, որը կապահովի բեռների տեղափոխումը Չինաստանի նավահանգիստներից Բաթում, այստեղից էլ՝ Թուրքիա և Եվրոպա:
«Սա շատ կարևոր տարանցիկ ուղի է բոլորի համար, և մենք բոլորս լրջորեն շահագրգռված ենք նման կոնսորցիումի ստեղծման մեջ»,- ասել է Ղազախստանի փոխվարչապետը:
Պատրաստեց՝ Վիկտորյա ԱՆԴՐԵԱՍՅԱՆԸ
