Մարդու իրավունքների եվրոպական դատարանը հրաժարվել է քննել Հայաստանի սահմանը հատած և գերեվարված դիվերսանտներ Դիլգամ Ասկերովի և Շահբազ Գուլիևի գործը: Այս մասին, ինչպես հաղորդում է Trend-ը, հայտարարել է Եվրադատարանում Ադրբեջանի ներկայացուցիչ Չինգիզ Ասկերովը:
Ադրբեջանցի պաշտոնյան դատարանի որոշումը որակել է որպես «ոչ օբյեկտիվ»:
Հիշեցնենք, 2014թ. հուլիսին Դիլգամ Ասկերովը և Շահբազ Գուլիևը Շահումյանի հատվածից ապօրինաբար հատել էին Հայաստանի սահմանը: Նրանց գործողությունների հետևանքով Քարվաճառում զոհվել էր 2 անձ, մեկը՝ վիրավորվել:
Դիլգամ Ասկերովը 2014թ. դեկտեմբերին Ստեփանակերտի դատարանի կողմից դատապարտվել էր ցմահ, իսկ Շահբազ Գուլիևը՝ 22 տարվա ազատազրկման: Ասքերովը եւ Գուլիևը մեղադրվում են ազգային ատելության շարժառիթներով մարդուն առևանգելով սպանելու, կազմակերպված խմբի կողմից անչափահասի նկատմամբ զենքի գործադրմամբ բռնություն գործադրելու, լրտեսության, Ղարաբաղի պետական սահմանը կազմակերպված խմբի կողմից հատելու, հրազեն եւ ռազմամթերք կրելու մեջ։
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
