«Որ աշխարհը սահմանել է, որ հրապարակման ենթակա չեն ընտրողների ցուցակները, ուրեմն ինչ-որ բան մտածել են դրա մասին», անդրադառնալով ընտրությունների մասնակիցների ցուցակները հրապարակելու հարցին՝ հայտարարել է Հրայր Թովմասյանը։
«ՉԻ» – Երեւի Հրայր Թովմասյանը տեղյակ չէ, որ «աշխարհը» ուրիշ բաներ էլ է սահմանել: Օրինակ՝ սահմանել է, որ անձը կարող է քվեարկել միայն մեկ անգամ, որ մեռած մարդիկ չեն կարող քվեարկել եւ այլն։
Բայց Հայաստանի իշխանություններին այդ սահմանումները, բնականաբար, չեն հետաքրքրում։ Նրանք ի՞նչ մեղավոր են, որ ամեն անգամ ինչ-որ մարդիկ գալիս ու արջի ծառայություն են մատուցում իշխանություններին։ Իհարկե՝ իշխանությունները շատ կցանկանային բռնել այդ «արջերին» եւ մի լավ պատժել, բայց, հասկանում եք, չեն կարողանում։
Դա հնարավոր կլիներ անել ընտրություններին մասնակցածների ցուցակները հրապարակելով, բայց թարսի պես՝ «աշխարհը սահմանել է», որ նման բան չի կարելի անել։
Կարդացեք նաև
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
