«Հայաստան-Իրան երկաթուղու կառուցումը բարդ է, որովհետեւ այն միայն Հայաստանին է հարկավոր»,-կարծում է քաղաքագետ Ալեքսանդր Իսկանդարյանը: «Տեսակետ» մամուլի ակումբում այսօր նա ասաց, որ նման ծրագիրը կյանքի կոչելու նպատակով Իրանը դժվար թե 5 միլիարդից ավելի գումար վճարի՝ Հայաստանի գեղեցիկ աչքերի համար:
«Հայաստանում ընդունված է ասել, որ այն, ինչ կատարվում է Իրանում, մեզ համար ձեռնտու է: Մենք Իրանի համար լավ հարեւան ենք, որովհետեւ մյուս հարեւանների հետ ոչ այնքան լավ հարաբերություններ ունի, այդ թվում՝ Ադրբեջանի: Ուստի ընտրություն չկար, այդ պատճառով էլ Հայաստանը դիտարկվեց որպես բարեկամ: Իսկ հիմա Իրանի ճանապարհները բաց են, եւ Հայաստանի դերն Իրանի համար նախկինի պես չէ:
Ընտրության այլ հնարավորություններ ի հայտ կգան: Օրինակ, Ադրբեջան-Իրան հարաբերությունները զարգացման միտում ունեն, իսկ թե ինչպես կզարգանան, այլ հարց է»,- նկատեց Իսկանդարյանը:
Նա Հայաստան-Իրան ներկայիս հարաբերություններում խնդիրներ առանձնապես չի տեսնում, իսկ հետագայում երկու երկրները գուցե էներգետիկ ոլորտում գործակցեն:
Կարդացեք նաև
Լուիզա ՍՈՒՔԻԱՍՅԱՆ
