ԱԺ պատգամավոր Զարուհի Փոստանջյանը հայց է ներկայացրել Վարչական դատարան՝ Գեորգի Կուտոյանին Ազգային անվտանգության ծառայության տնօրեն նշանակելու մասին Սերժ Սարգսյանի հրամանագիրը անվավեր ճանաչելու պահանջով։
Փոստանջյանը պնդում է, որ Կուտոյանին ԱԱԾ տնօրեն նշանակելիս չեն պահպանվել «Ազգային անվտանգության մարմիններում ծառայության մասին» օրենքի 19-րդ հոդվածի 1-ին մասի պահանջները, ըստ որի այդ պաշտոնում «կարող է նշանակվել ազգային անվտանգության մարմինների այն ծառայողը, որը մինչեւ նշանակումը զբաղեցրել է ազգային անվտանգության մարմինների ծառայողների բարձրագույն խմբի պաշտոն կամ վերջին 3 տարին զբաղեցրել է գլխավոր խմբի պաշտոն եւ ունի գնդապետից ոչ ցածր կոչում»։
Ըստ Փոստանջյանի, Կուտոյանն ԱԱԾ-ում չի զբաղեցրել պաշտոններ եւ չի հանդիսացել ԱԱԾ գնդապետ։
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
