Կարդում ես հայրենական մամուլը, դիտում հեռուստաեթերն ու տեսնում, որ Պետդումայի երկու կոմունիստ պատգամավորի նամակի շուրջ ենթադրությունների եւ կանխատեսումների պակաս չկա։ Մարդիկ եթեր են զբաղեցնում եւ լուրջ-լուրջ խոսում Մոսկվայի պայմանագրի չեղարկումից հետո հավանական դասավորությունների եւ ուրիշ այլ ըղձական բաների մասին։
Եվ դա այն դեպքում, երբ Մոսկվան որեւէ քայլ չի ձեռնարկում, միայն ԱԳՆ-ից ասել են, որ կուսումնասիրեն կոմունիստ դումայականների բարձրացրած հարցը։ Կարող են ուսումնասիրել եւ փակ պատասխան ուղարկել, որ չարժե Թուրքիայի հետ առանց այդ էլ սրված հարաբերություններն ավելի սրել։ Հնարավոր է բավարարվեն Զյուգանովի հայտարարությամբ։ Ամեն դեպքում, հազիվ թե Ռուսաստանը հայտարարի, որ միակողմանիորեն չեղյալ է հայտարարում Մոսկվայի պայմանագիրը։
Ինչ էլ որ լինի, դա ռուս-թուրքական հարաբերությունների խնդիր է։ Իսկ մեր ինչի՞ն է պետք, որ թեման դարձնում ենք սարի ծամոն՝ ձգում։ Հարցը տաք պահելու անհրաժեշտությո՞ւն կա։ Ո՞րն է դրանից մեր շահը:
Վահրամ ԱԹԱՆԵՍՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
