ԵԱՀԿ Մինսկի խումբը Լեռնային Ղարաբաղի հակամարտության լուծման միակ ձևաչափն է: Այս մասին ադրբեջանական APA գործակալությանն ասել են ԱՄՆ պետքարտուղարությունից՝ մեկնաբանելով այն հարցը, թե որքանով է ԱՄՆ պետդեպարտամենտը դերակատարություն ունեցել ԵԽԽՎ-ում հակահայ բանաձևերի քննարկման գործում:
«ՄԵնք համոզված ենք, որ հակամարտության խաղաղ կարգավորման գործընթացում կողմերը կշարունակեն սերտ համագործակցել համանախագահների հետ»,- ասել են պետքարտուղարությունից:
Հիշեցնենք, ավելի վաղ ամերիկացի կոնգրեսական Ադամ Շիֆը հայտնել էր, որ ԱՄՆ պետքարտուղարի՝ Եվրոպայի և Եվրասիայի հարցերով օգնական Վիկտորյա Նուլանդը հատուկ դերակատարություն է ունեցել այն հարցում, որ հունվարի 26-ին ԵԽԽՎ-ում հակահայկական բանաձևերից մեկը («Բռնության աճը Լեռնային Ղարաբաղում և Ադրբեջանի այլ օկուպացված տարածքներում») չընդունվեց:
Պատրաստեց՝ Վիկտորյա Անդրեասյանը
