«ՀԱՊԿ-ը որեւէ առնչություն չունի սիրիական կոնֆլիկտի հետ, ուստի, խոսել այն մասին, որ մեր երկրների ղեկավարները որոշում կայացնեն`մասնակցել ցամաքային օպերացիաներին, իրատեսական չէ»,- «Սպուտնիկ» մամուլի կենտրոնում այսօր նման կարծիք հայտնեց ՀԱՊԿ գլխավոր քարտուղար Նիկոլայ Բորդյուժան:
Մոսկովյան տաղավարում ներկա սիրիացի լրագրողը նկատել էր, որ Քեսաբը ռմբակոծվում է, այնտեղ հիմնական բնակչությունը հայեր են ու հետաքրքրվել`եթե սիրիական կառավարությունը պաշտոնապես դիմի ՀԱՊԿ-ին օգնության համար`Սաուդյան Արաբիայի կողմից ցամաքային ռազմական գործողություններ սկսելու դեպում, ինչպե՞ս կարձագանքեք: Նիկոլայ Բորդյուժան հիշեցրեց` ՀԱՊԿ-ի մանդատը տարածվում է միայն ՀԱՊԿ անդամ երկրների տարածքում:
Լրագրողը հետաքրքրվեց`հնարավո՞ր է ՌԴ-ի կողմից սիրիական կառավարությանը տրված «C 400»-ը պատերազմական գործողությունների ավարտից հետո մնա նվեր Սիրիային`ի հեճուկս թշնամու, որը «մեր Ռուսաստանի թիկունքին հարվածեց»:
«Տրիումֆ» համակարգերը սիրիական կառավարությանը տրամադրելը, ՌԴ նախագահի միակողմանիորեն կայացված որոշումն է եղել`սիրիական իշխանությունների հետ համաձայնության արդյունքում: Այդ պատճառով, դրանց ճակատագիրը պետք է որոշի ՌԴ ղեկավարությունը: ՀԱՊԿ-ը որեւէ առնչություն չունի այդ հարցում եւս»,- պատասխանեց Նիկոլայ Բորդյուժան:
Կարդացեք նաև
Նելլի ԳՐԻԳՈՐՅԱՆ
