Երբ Ֆելիքս Ցոլակյանը նշանակվեց Շիրակի մարզպետ, մազաչափ անգամ չէինք կասկածում, որ նա կարող է արդյունավետ աշխատել եւ նորմալ մթնոլորտ ստեղծել մարզում։ Թերեւս մեր ճանաչած ամենապարկեշտ ու օրինակելի պաշտոնյաներից մեկն է։
Հետեւելով նրա գործունեությանը, կարող ենք ասել, որ որտեղ էլ աշխատել է, միայն դրական է բնութագրվել։ Իսկ նա վերջին 25 տարում մի շարք լուրջ պաշտոններ է զբաղեցրել՝ տարրեր իշխանությունների օրոք։ Եղել է ՀՀ նախագահի վերահսկողական ծառայության ղեկավար, հարկայինի պետ, ԱԱԾ ղեկավարի տեղակալ։
Եվ այս տարիների ընթացքում նրա հետ կապված որեւէ սկանդալ, որեւէ մութ պատմություն, կոռուպցիա եւ այլն… ոչ մի նման բան չենք լսել։ Իսկ վերոհիշյալ պաշտոնները բավական յուղոտ են եղել։ Եթե ուսումնասիրենք, թե ովքեր են Ֆելիքս Ցոլակյանից առաջ եւ հետո այդ պաշտոնները զբաղեցրել, ապա միլիոնատերների, օլիգարխների, խոշոր գործարարների, հանրահայտ կոռուպցիոներների մի պատկառելի ցուցակ կկազմվի։
Բավական համեստ, իր աշխատանքին նվիրված, կիրթ, կոռեկտ պաշտոնյա է։ Մեր իրականության համար բացառիկ նմուշ է։ Հիմա այդ մարդու աշխատանքից մարզում գոհ են, հազիվ բոլորի ջրերը՝ մարզպետարանի, քաղաքապետարանի, համայնքների, մի առվով գնում են, զոռով ուզում են նորից ջուրը պղտորել:
Կարդացեք նաև
Մհեր ՂԱԼԵՉՅԱՆ
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
