Այսօր կառավարության նիստից հետո լրագրողները Տնտեսական մրցակցության պաշտպանության պետական հանձնաժողովի (ՏՄՊՊՀ) նախագահ Արտակ Շաբոյանից կրկին հետաքրքրվեցին բենզինի գներով: Մասնավորապես, հարց հնչեց՝ արդյոք Շաբոյանին չի՞ մտահոգում այն հանգամանքը, որ բենզինը Հայաստանում երկու անգամ թանկ է Ռուսաստանի եւ Վրաստանի գներից: Այս հարցին ի պատասխան՝ պրն Շաբոյանն ասաց, որ չի կարող խոսել Ռուսաստանի գներից, ապա նշեց, որ հայկական երկու ընկերությունները Ռուսաստանից են ձեռք բերում բենզինը:
Հարցին, թե ի՞նչ գնով են Ռուսաստանից ձեռք բերում բենզինը, պրն Շաբոյանը կրկին չպատասխանեց, կրկնեց նախկինում հնչեցրած իր խոսքերը՝ «Հայաստանում բենզինի գնի մեջ նավթի տեսակարար կշիռը 8% է, հարկերը բարձր են, նաեւ տեղափոխման ծախսեր են կատարվում»:
Մանրամասն՝ տեսանյութում
Կարդացեք նաև
Անդրադառնալով այն հարցին, որ բանանի գները եւս բարձր են, այդ շուկայում նույնպես մենաշնորհ կա, մասնավորապես՝ բանանի ներկրողը ԴԱՀԿ ղեկավար Միհրան Պողոսյանն է, Արտակ Շաբոյանն ասաց, որ հանձնաժողովին չի հետաքրքրում, թե տնտեսվարողների հետ փոխկապակցված անձինք ովքեր են:
Հարցին՝ իրեն չի՞ հետաքրքրում՝ ինչու այս տարիների ընթացքում բանանի շուկայում «Քեթրին գրուպ»-ից բացի այլ տնտեսվարող չի հայտնվել, պրն Շաբոյանի պատասխանը՝ տեսանյութում:
Նելլի ԲԱԲԱՅԱՆ
