«Հանրապետական կուսակցությունն այսօր Ազգային ժողովում որոշում անցկացնելու խնդիր չունի: Հետեւաբար կապել Ազգային ժողովում ուժերի հարաբերակցության հետ, սխալ կլինի: Այդուհանդերձ հարց է առաջանում, թե ինչու կոալիցիա ձեւավորելու անհրաժեշտություն եղավ»,- այս մասին «Հայելի» մամուլի ակումբում հայտարարեց ԱԺ ՀՀԿ խմբակցության պատգամավոր Խոսրով Հարությունյանը:
Ըստ նրա՝ ակնհայտ է, որ Սահմանադրական փոփոխությունները նախաձեռնելով շատ լավ հասկանում էին, որ մի կողմից հանրաքվեից հետո հանրային կյանքը որակապես նոր հուն տեղափոխելու իրավաքաղաքական հնարավորություններ են ձեւավորվում, բայց «միեւնույն ժամանակ ստանձնում էինք պատմական պատասխանատվություն, առաքելություն այդ իրավաքաղաքական նոր իրավիճակը հանրային կյանքի որակը բարձրացնելու ուղղությամբ օգտագործելու առումով»:
Խոսրով Հարությունյանը հիշեցրեց, որ Սահմանադրական փոփոխությունները նախաձեռնել են ՀՀԿ-ն եւ Դաշնակցությունը, իսկ մյուսները հետո են միացել. «Այսինքն՝ սա Դաշնակցության համար հանրային կյանքի կազմակերպման սեփական հայեցակարգային մոտեցումն էր, որին ինքը մնաց հարազատ եւ այդ պատճառով նա նույնիսկ դուրս եկավ ընդդիմադիր քառյակից»:
Ուստի, ըստ Խոսրով Հարությունյանի, երկու կուսակցությունները որոշեցին ստանձնել հանրության առջեւ քաղաքական պատասխանատվություն՝ այս Սահմանադրության իրավական-քաղաքական հետեւանքներն իրականացնելու համար. «Իմ պատկերացմամբ՝ կարեւորելով այս պատասխանատվությունն իրականացնելու հանգամանքը, հանրապետության նախագահը դիմել էր ՀՅԴ-ին եւ առաջարկել համագործակցություն»:
Կարդացեք նաև
Աշոտ ԻՍՐԱԵԼՅԱՆ
