«Ժողովուրդ»-ը զրուցել է ՏԿԱԻ նախարար Արմեն Երիցյանի հետ։
– ԵԱՀԿ ԺՀՄԻԳ դիտորդներն իրենց զեկույցում հատուկ քննադատել են այն փաստը, որ սահմանադրական հանրաքվեի գործընթացում ներգրավված էին պետական պաշտոնյաները, ինչը տեղիք է տալիս մտածելու նրանց կողմից պաշտոնեական դիրքի չարաշահման մասին։
– Չէ, պաշտոնեական դիրքի չարաշահում չի կարող լինել, որովհետեւ ամբողջ քարոզչական արշավը եղել է աշխատանքից հետո՝ կիրակի օրերին։ Եվ այդ ժամանակ ես, ինչպես նաեւ մյուս քաղաքացիները, իրավունք ունենք նույնպես քարոզել, եւ եթե ասում են, որ մենք աշխատանքի ժամին ենք… այդ ամենը սուտ է, այդպիսի բան չի եղել ոչ մի անգամ։
– Ակնհայտ է, որ դեկտեմբերի 6-ին տեղի ունեցած հանրաքվեն իշխանությունների համար ձախողում էր, ընդդիմության եւ դիտորդների բացահայտումներից զատ՝ բազմաթիվ քրեական գործեր են հարուցվել։ Դուք՝ որպես շտաբի պետի տեղակալ, ի՛նչ հետևություններ եք արել Ձեզ համար։
Կարդացեք նաև
– Ես գտնում եմ, որ եթե եղել են խախտումներ, եւ ովքեր արել են խախտումներ, իհարկե, պետք է պատասխանատվության ենթարկվեն։ Հենց դա էլ խոսում է, որ մենք կիրառել ենք դեմոկրատական սկզբունքները, եւ եթե մարդ կատարել է զանցանք կամ հանցանք, պետք է պատասխան տա։
– Բայց չե՞ք ընդունում, որ գործող իշխանությունից մարդիկ հոգնել են, ո՞րն է ելքը։
– Արտահայտությունը մի քիչ սխալ է՝ մարդիկ հոգնել են իշխանությունից։ Ես էլ եմ իշխանություն եւ ես կարծում եմ, որ մարդիկ եթե ինձանից հոգնեն, կասեն, որ հոգնել են, եւ ընդհանուր խոսելը ճիշտ չի։
Արփինե ԹՈՎՄԱՍՅԱՆ
Հոդվածն ամբողջությամբ կարող եք կարդալ «Ժողովուրդ» թերթի այսօրվա համարում
