ԱՄՆ պետքարտուղարությունը 2017թ., համաձայն բյուջեի նախագծի, շուրջ 953 մլն դոլար կհատկացնի Ռուսաստանի հարևան երկրներում ժողովրդավարության աջակցության և կոռուպցիայի դեմ պայքարի ծրագրերի համար: Այս մասին հաղորդում է Rosbalt գործակալությունը՝ վկայակոչելով ամերիկյան ԶԼՄ-ներին:
Գումարը կհատկացվի «դիմակայություն ռուսական ագրեսիային հասարակական դիվանագիտության և արտաքին օգնության միջոցով, ինչպես նաև Եվրոպայում կայուն կառավարության ստեղծում» հոդվածի շրջանակում:
«Խոսքը կոռուպցիայի դեմ պայքարի ծրագրերի, էներգետիկ անվտանգության ծրագրիր ստեղծելու, Ռուսաստանի հարևան երկրներում, ինչպիսիք են, օրինակ, Մոլդովան, Վրաստանը, Ուկրաինան, ժողովրդավարական հանրությանն աջակցելու մասին է: Ինչպես նաև Միջին Ասիայի երկրների»,- ասել է փաստաթղթին ծանոթ աղբյուրը:
Պատրաստեց՝ Վիկտորյա ԱՆԴՐԵԱՍՅԱՆԸ
