Շիրակի մարզի ընդհանուր իրավասության դատարանն Արման Կատունյանի վերաբերյալ գործով (Գյումրու Մանկավարժական ինստիտուտի ռեկտոր Վարդեւան Գրիգորյանի եղբոր սպանության գործով) բավարարել է փաստաբաններ, տուժողի իրավահաջորդների ներկայացուցիչներ Լիպարիտ Սիմոնյանի եւ Թամարա Յայլոյանի միջնորդությունը:
Դատարանը նշանակեց կրկնակի դատահոգեբանական փորձաքննություն: Նախաքննության ժամանակ տեղի ունեցած փորձաքննությամբ փորձագետները եկել էին այն հետեւության, որ սպանության համար մեղադրվող Արման Կատունյանը «արարքը» կատարել է «կոմուլյատիվ աֆեկտի» վիճակում, իսկ նախաքննական մարմինը Ա. Կատունյանին նախկինում առաջադրված մեղադրանքը ՀՀ քրեական օրենսգրքի 104-րդ հոդվածի 1-ին մասից՝ ՝սպանություն, վերավորակել էր, որպես «հոգեկան խիստ հուզմունքի վիճակում» կատարած սպանություն՝ ՀՀ քրեական օրենսգրքի 105-րդ հոդվածի հատկանիշներով, եւ միաժամանակ որոշում էր կայացվել Ա. Կատունյանին կալանքից ազատ արձակելու մասին:
ՌՈՒԶԱՆ ՄԻՆԱՍՅԱՆ
«Առավոտ» օրաթերթ
09.02.2016
