Դիտարկմանը՝ Արման Թաթոյանին իշխանության մարդ են ասում՝ Հովհաննես Սահակյանը պատասխանեց. «Իշխանության մեջ կան մարդիկ, որոնք ավելի ընդդիմադիր են, քան որոշ վայ-ընդդիմադիրներ:
«Այսինքն ի՞նչ, սոցհարցում ենք անելու, թե որքա՞ն են ճանաչում Արման Թաթոյանին: Հեղինակությունը մարդու փորձն է, կրթությունը, իր վաստակն է»,- Aravot.am-ի հետ զրույցում ԱԺ պետաիրավական հարցերի հանձնաժողովի նախագահ, ՀՀԿ պատգամավոր Հովհաննես Սահակյանն այսպես արձագանքեց իրավապաշտպանների այն քննադատություններին, որ Մարդու իրավունքների պաշտպանի ՀՀԿ-ի թեկնածուն չի բավարարում սահմանադրական պահանջը, բավականաչափ հայտնի անձ չէ՝ մարդու իրավունքների պաշտպանության ոլորտում:
Պարոն Սահակյանը հիշեցրեց, որ ավելի կոշտ քննադատում էին ժամանակին Արմեն Հարությունյանին ու Կարեն Անդրեասյանին:
Ըստ Հովհաննես Սահակյանի, Մարդու իրավունքների առաջին պաշտպանն այլ գործառույթներ ուներ, երկրորդ պաշտպանը՝ այլ, վերջին պաշտպանը՝ այլ. «Իրենց առաքելությունը, լիազորությունները, պատկերացումներն այլ էին: Այս օմբուդսմենը լրիվ այլ գործառույթ պետք է իրականացնի: Միայն հանրահավաքներին ներկա լինելը, ցուցարարների կողքին լինելը չէ: ՄԻՊ-ի մեկ գրությունը, խոսքը պետք է ունենա շատ ավելի մեծ ուժ՝ քան 1-2 դատախազի, քննիչի, պաշտոնյաների խոսքը»:
Կարդացեք նաև
Մեր դիտարկմանը, որ Արման Թաթոյանին իշխանության մարդ են ասում՝ Հովհաննես Սահակյանը պատասխանեց. «Իշխանության մեջ կան մարդիկ, որոնք ավելի ընդդիմադիր են, քան որոշ վայ-ընդդիմադիրներ, որոնք այս կամ այն ծրագրի մեջ սոուսով շատ համեղ ուտվում են եւ գնում են առաջ: Հետեւաբար` պետք չի կեղծ օրակարգ մտցնել եւ ասել, որ եթե իշխանությանը հայհոյում են, ուրեմն ամենաթունդ, ամենալավ ընդդիմադիրն են»:
Հռիփսիմե ՋԵԲԵՋՅԱՆ
Ոչ թե ՛՛այս կամ այն ծրագրի մեջ սոուսով շատ համեղ ուտվում են՛՛, այլ լափվում են…