«Թուրքիան շահարկում է Ռուսաստանի հետ հարաբերությունների լարվածությունը՝ պոլսահայերի վրա ճնշումներ գործադրելու համար», փետրվարի 9-ին տված ասուլիսում հայտնեց տարածաշրջանային հարցերով պոլսահայ փորձագետ-վերլուծաբան Սարգիս Հացպանյանը:
«Հայերի և թուրքերի միջև եղած դարավոր հակամարտությունից և կրոնական տարբերությունից զատ, հայերը Թուրքիայում միշտ էլ համարվել են ռուսամետ ժողովուրդ, որը կարող է վտանգ ներկայացնել երկրի համար: Պոլսահայ հասարակության նույնիսկ ակտիվ շերտն այսօր վախենում է արտահայտվելուց կամ որևէ պահանջ ներկայացնելուց, քանի որ Էրդողանը չի կորցնի հայերին «ռուսների լրտեսներ» պիտակով կնքելու և նրանց նկատմամբ բռնաճնշումները մեծացնելու, իրավունքները սահմանափակելու հնարավորությունը», բացատրեց վերլուծաբանը:
Պոլսահայ համայնքի նկատմամբ կիրառվող ճնշումների մասին խոսելիս Հացպանյանը, օրինակ բերեց Թուրքիայում հայկական թաղամասերից մեկում արված հանցագործությունները: Ապօրինի ներխուժել էին Դեմիրճյան ընտանիքի տուն, կապել ծերունի ամուսիններին, տնից գողություն արել և հեռացել: Ամուսիններին այդ վիճակում գտել են դեպքից միայն 3 օր անց: Կնոջը կարողացել են բժշկական օգնություն ցույց տալ և փրկել, իսկ ամուսինը մահացել էր:
«Սարսափելին այն է, որ պոլսահայ համայնքի պատրիարքարանը՝ այժմ Արամ արքեպիսկոպոս Աթեշյանի գլխավորությամբ, ոչ մի արձագանք չի տալիս նման դեպքերին, իսկ տուժողներին նույնիսկ պարզ հոգևոր աջակցություն չի ցուցաբերում: Վախեցած ու հուսահատված հայերն էլ լքում են Թուրքիան, ինչն էլ ձեռնտու է Էրդողանին: Որքան քիչ հայ Թուրքիայում, այնքան լավ նրա համար», մտահոգվում է փորձագետը:
Կարդացեք նաև
Շուշան ԳԱԼՍՏՅԱՆ
լուրջ եւ իսկական հարցում՝
կարելի՞ է, հաճիք, որ տարրականօրէն պարզաբանէք թէ ի՞նչ հիման վրայ այս անհատը տիրացած է «փորձագետ»ի տիտղոսին