«Դեպքերը շատ չեն, 1 ամսից ավելի չի կարող զինվորը ծառայել, եթե ժամկետը լրացել է»,- փետրվարի 9-ին Երեւանի պետական համալսարանում համալսարանի պրոֆեսորադասախոսական կազմի ներկայացուցիչների եւ ուսանողների հետ հանդիպման ընթացքում ասաց Սեյրան Օհանյանը:
Նա պարզաբանեց, որ դա կապված է զինված ուժերի մարտունակության ապահովման հետ, եւ նախարարությունը չի կարող հաշվառել, թե զինվորները ինչ կրթություն ունեն, երբ են զորակոչվել եւ ինչ պատասխանատու պաշտոն ունեն. պետք է նոր զորակոչ, որպեսզի զորակոչի ընթացքում տվյալ պաշտոնները համալրվեն. «Գտնում եմ, որ 1 տարի հետո չի լինելու, որովհետեւ մենք կհասնենք զորակոչի իրականացման ժամկետների լիարժեք հստակեցմանը, այդ ժամանակահատվածում կորոշենք բոլոր խնդիրները:
Ինչ վերաբերվում է այդ խնդրի առկայությանը, ապա ես անպայման այդ փաստաթղթի հիման վրա կրթության եւ գիտության նախարարի հետ կքննարկեմ եւ համապատասխան որոշում կընդունենք:
Ասեմ, որ վերջին տարիների ընթացքում կրթության եւ գիտության նախարարը իր ամբողջ համակարգով բավականին աջակցել է մեր բոլոր խնդիրներին՝ թե՛ համալրման, թե՛ նաեւ զինվորական ծառայությունից հետո, մանավանդ, առաջին գծում ծառայություն իրականացնող զինծառայողների համար պայմաններ ստեղծել՝ իրենց ուսումը արտոնյալ ձեւով շարունակելու համար»:
Կարդացեք նաև
Ամի ՉԻՉԱԿՅԱՆ
