«Հարցին՝ ո՞ւր ենք գնում այսպես՝ Հրանտ Բագրատյանը պատասխանեց. «Մենք կործանման ենք գնում: Դուք մեկ տարի հետո, իհարկե, բոլորդ ձայնը կտաք մեզ, եթե մեզ հաջողվի լայն կոալիցիա ստեղծել: Բայց ես չեմ տեսնում ձեւը, ոնց ենք ձայները պահելու»,-այսօր «Հայելի» ակումբում «Ազատություն» կուսակցության նախագահ Հրանտ Բագրատյանն այսպիսի հայտարարություն արեց՝ հրավիրելով քաղաքական ուժերին:
Հարցին՝ ո՞ւմ հետ եք կոալիցիա կազմելու՝ նա պատասխանեց. «Ես բոլոր ուժերին հրավիրել եմ, հիմա էլ եմ հրավիրում՝ «Ազատ դեմոկրատներ», ՀԱԿ, «Ժառանգություն», «Նոր Հայաստան», «Քաղաքացիական պայմանագիր», ՀՀՇ, Հանրապետություն: Եթե մեկին մոռացել եմ՝ հազար ներողություն: Եթե այս ուժերը միավորվեն՝ նրանք հաղթում են պառլամենտական ընտրություններում»:
Լրագրողները հուշեցին՝ ԲՀԿ՝ Հրանտ Բագրատյանը չներգրավեց ԲՀԿ-ն՝ ում ասելու էի՝ արդեն ասացի:
Հարցին՝ ՀՀԿ-ն էլ է կոալիցիա ստեղծել ՀՅԴ-ի հետ՝ ավելի ուժեղ, ո՞նց եք մրցակցելու՝ Հրանտ Բագրատյանը պատասխանեց. «Հանրապետակա՞ն: Հանրապետականը 5 տոկոս չունի»:
Երբ ճշտեցին՝ իսկ ՀՅԴ-ի հետ միասին՝ Բագրատյանը պատասխանեց. «Ավելի քիչ է դառնում»:
Կարդացեք նաև
Պարոն Բագրատյանի խոսքերով՝ «Եթե այս հանրապետությունում դեռ կա մի մարդ, որը միշտ մտածում է այն, ինչ ասում է, էդ իմացեք ով է: Չեք կարող իմ քաղաքական գործունեության մեջ մի բան ասեք՝ ես սխալ եմ: Հրանտ Բագրատյանը նրանցից չի, որ ասի՝ ԵՏՄ-ն սխալ է ու մյուս օրը գնա այնտեղ»:
Հռիփսիմե ՋԵԲԵՋՅԱՆ
