«Մենք այն երկրների շարքերում ենք, որոնք ցանկանում են, որ Արեւելյան գործընկերությունը շարունակվի եւ մնա Եվրամիության օրակարգում որպես գլխավոր հարց: Դուք կարող եք Ձեր հույսը դնել մեզ վրա»,- այս մասին ՀՀ արտաքին գործերի նախարարությունում լրագրողների հետ հանդիպմանը հայտարարեց պաշտոնական այցով Հայաստանում գտնվող Շվեդիայի արտաքին գործերի նախարար Մարգոտ Վալստրյոմը:
Լրագրողները նախարարից հետաքրքվեցին, թե Արեւելյան գործընկերության հիմքերում կանգնած Շվեդիան արդյոք այսօր նույնչափ հետաքրքրվա՞ծ է այդ համագործակցության ձեւաչափով եւ ինչ նոր նախաձեռնություններ ունի:
Մարգոտ Վալստրյոմը նշեց, թե իր երկիրը կցանկանա, որ Արեւելյան գործընկերության անդամ երկրների նկատմամբ անհատական մոտեցում լինի. «Մենք կարծում ենք, որ ինտենսիվ բանակցություններն առաջ գնալու լավագույն ճանապարհն են: Մենք պետք է հստակ իմանանք, թե ինչ է կատարվում այստեղ, ինչպես են ընթանում բարեփոխումները եւ այլն»:
Աշոտ ԻՍՐԱԵԼՅԱՆ
